Може ли студеното време да наштети на срцевата работа?
Здравјето на пациентите со кардиоваскуларни болести може да биде засегнато при екстремни временски услови. (5) Гледано од агол на здравје на срцето, некој би помислил дека топлотните бранови се поопасни. Меѓутоа, клиничките студии покажуваат дека во студените денови се зголемува ризикот од ангина пекторис (градна болка заради недоволна снабденост на срцевиот мускул со крв) и од срцев инфаркт . (2, 3)
Неколку студии биле спроведени на оваа тема; на пример, една Финска студија пронајде поврзаност меѓу долг период на студено време и ризикот од нагла срцева смрт, особено кај лица со коронарна срцева болест. (1) Во друга, Литванска студија пак, била пронајдена поврзаност помеѓу студеното време и зголемениот ризик од срцев инфаркт. (4) Објавата на оваа студија покажа дека пациентите со кардиоваскуларни фактори на ризик се всушност високо-ризична група на пациенти кога станува збор за поврзаноста меѓу студеното време и срцевите настани. (4)
Понатаму, голема студија спроведена во Англија и Велс покажала дека постарите лица и оние коишто имаат коронарна срцева болест се многу поподложни на проблеми со срцето кога времето е студено. Од особен интерес во оваа студија е фактот дека лицата кои земале аспирин имале понизок ризик во споредба со лицата кои не земале аспирин. (8)
Објаснувањето на оваа корелација се состои во фактот дека телото или попрецизно кажано нервниот систем, реагира на падот на надворешната температура на посебен начин: тоа всушност, се обидува да го намали губитокот на топлина преку констрикција на крвните садови. Вазоконстрикција настанува не само во дисталните делови од телото, како што се крвните садови кои се поблиску до површината на кожата, туку исто така се појавува и во коронарните артерии кои го снабдуваат срцето. Овие промени прават дополнителен стрес на веќе воспоставената рамнотежа на циркулаторниот систем. Крвната циркулација низ крвните садови се намалува и со тоа крвоснабдувањето на органите ослабува, а крвниот притисок се покачува. Покрај механизмите наведени погоре, може да се зголеми срцевиот обем на работа и вискозноста на крвта (внатрешно триење), што дополнително го зголемува ризикот од миокарден инфаркт кај пациенти со кардиоваскуларни заболувања. (1, 6, 7, 8)
Што треба да направите за да ги превенирате последиците од студеното време, доколку се сомневате дека имате кардиоваскуларна болест?
- Дијагноза: ако се сомневате на кардиоваскуларна болест, направете контрола што поскоро.
- Превенција и менаџмент:
- Ако веќе имате кардиоваскуларна болест, следете го советот од лекарот за промена на животниот стил и редовно земајте ја препишаната терапија . (1)
- Во сурови зимски временски услови, заштитете се против студот: облечете се топло и во слоеви, носете капа и ракавици и соодветни обувки, одморете се при физички напор во студени услови (на пример, чистење снег со лопата), побарајте лекарски совет ако почувствувате симптоми кои наликуваат на срцев инфаркт и избегнувајте земање алкохол после физички напор. (1)
Референци:
- (1) ) Ryti N.R.I at al, Risk of sudden cardiac death in relation to season-specific cold spells: a case–crossover study in Finland, BMJ Open 2017;0: e017398. doi:10.1136/bmjopen-2017-017398 Return to content
- (2) https://www.heart.org/en/health-topics/consumer-healthcare/what-is-cardiovascular-disease/cold-weather-and-cardiovascular-disease (2021.10.25) (2) https://www.heart.org/en/health-topics/consumer-healthcare/what-is-cardiovascular-disease/cold-weather-and-cardiovascular-disease (2021.10.25) Return to content
- (3) https://www.escardio.org/The-ESC/Press-Office/Press-releases/Cold-weather-associated-with-higher-risk-of-severe-heart-attack (2021.10.25) (3) https://www.escardio.org/The-ESC/Press-Office/Press-releases/Cold-weather-associated-with-higher-risk-of-severe-heart-attack (2021.10.25) Return to content
- (4) Vaičiulis V et al, Association between winter cold spells and acute myocardialinfarction in Lithuania 2000–2015 https://doi.org/10.1038/s41598-021-96366-9 Return to content
- (5) McGeehin MA, Mirabelli M. The potential impacts of climate variability and change on temperature-related morbidity and mortality in the United States. Environ Health Perspect. Volume 109 , Supplement 2 , May 2001; Return to content
- (6) Wood, J.E., Bass, D.E. & Iampietro, P.F. (1958). Responses of peripheral veins of man to prolonged and continuous cold exposure. Journal o f Applied Physiology, 12, 357-360. Return to content
- (7) Monacelli F, Aramini I, Odetti P. For debate: The August sun and the December snow. J Am Med Dir Assoc 2010; 11: 449–452 Return to content
- (8) Bhaskaran et al, Short term effects of temperature on risk of myocardial infarction in England and Wales: time series regression analysis of the Myocardial Ischaemia National Audit Project (MINAP) registry BMJ 2010;341:c3823doi:10.1136/bmj.c3823 Return to content
PP-ASP-MK-0067-1 14.12.2021
поврзани статии:
Аспирин® Протект 100, 100 mg гастрорезистентни таблети Лекот може да се издава и/или продава без рецепт.
Bayer d.o.o. Љубљана- Претставништво Скопје
Антон Попов 1, лок 4 мез., лам 2
ПРЕД УПОТРЕБА ВНИМАТЕЛНО ДА СЕ ПРОЧИТА УПАТСТВОТО! ЗА ИНДИКАЦИИТЕ, РИЗИКОТ ОД УПОТРЕБАТА И НЕСАКАНИТЕ ДЕЈСТВА НА ЛЕКОТ КОНСУЛТИРАЈТЕ СЕ СО ВАШИОТ ЛЕКАР ИЛИ ФАРМАЦЕВТ.
