10 совети за Вашата исхрана и промена на Вашиот животен стил кои ќе Ви помогнат во превенција на инфаркт
Срцевите заболувања сè уште се најчеста причина за смрт кај човечката популација. Со редовно вежбање, јадење овошје и зеленчук и намален внес на заситени масти, можете да направите многу за здравјето на срцето. Еве 10 совети за промена на Вашиот стил на живот кои ќе Ви помогнат да ги спречите срцевите заболувања.
1. Грицкајте ф’стаци наместо чипс од компир
Студијата објавена во „Journal of American College of Nutrition“ покажала дека 4-неделна консумација на ф'стаци, кои содржат корисни масти, може да го намали ризикот од срцеви заболувања без да се зголеми телесната тежина.1
Ф'стаците се богати со влакна, витамини и калиум, а 24 ф'стаци содржат само 85 калории. Ова значи дека слободно може да ги јадете и да ги вклучите во вашата секојдневна исхрана, а особено треба да ги консумирате наместо висококалоричните грицки за да спречите зголемување на телесната тежина.
2. Јадете интегрален наместо бел леб
Ако Вашата исхрана е богата со намирници со интегрална пченица, тоа дефинитивно го намалува ризикот од кардиоваскуларни заболувања. Според студијата на Медицинскиот факултет „Wake Forest“, на овој начин може да се спречат срцеви заболувања и мозочен удар . Секојдневното консумирање 2,5 порции храна која содржи интегрални житарки го намалува ризикот за кардиоваскуларни настани за 21%, споредено со лицата кои консумираат само 0,2 порции на таква храна. Купувајте производи на чија етикета пишува „100% интегрални житарки“.2
3. Гответе го зеленчукот на пареа, наместо да го пржете
Измијте го зеленчукот и ставете го во тенџере со врела вода. Покријте го, и во зависност од видот на зеленчукот, ќе биде готов за неколку минути. Не додавајте масло. На овој начин ќе ги избегнете негативните ефекти на пржењето во масло и ќе уживате во сите придобивки од зеленчукот.3 Растителните влакна кои ги содржи зеленчукот и другите видови храна помагаат да се намали на крвниот притисок и ризикот од срцеви заболувања.
4. Користете обезмастено млеко наместо обично млеко
Консумацијата на млеко е контроверзна тема за нутриционистите. Некои стручни лица велат дека нема потреба од ненадејни, драматични промени. Потребно е луѓето постепено да го намалуваат внесот на масти и ќе се префрлите на обезмастено млеко, без притоа и да забележите. Една чаша обично млеко содржи скоро 5 грама заситени масти, додека истата количина обезмастено млеко содржи само 0,125 грама.
5. Користете маргарин наместо путер
Како и при консумација на млекото, можеме да расправаме и околу внесот на маргаринот или путерот. Докажано е дека доколку сакате да го намалите внесот на калории и количината на заситени масти, префрлете се од путер на маргарин. Една лажица путер содржи 100 калории и 7 грама заситени масти, додека маргаринот содржи многу помалку и од двете.4
6. Користете лук наместо сол
Намалувањето на внесот на сол го намалува ризикот од кардиоваскуларни заболувања.5 Ако користите лук наместо сол, ќе уживате во вкусот на лукот заедно со бенефитот од понизок крвен притисок и други негови придобивки. Тој помага во борбата против ракот и спречува срцеви заболувања со намалување на нивото на „лошиот“ холестерол во организмот.
7. Наместо романтичен роман, прочитајте водич за здраво срце
Постојат многу книги кои нудат совети како да го одржите вашето срце здраво. Прочитајте некои за да дознаете за статистиката, превентивните методи и лекувањето на постоечки заболувања.
8. Јадете лосос наместо бифтек
Еден голем бифтек содржи многу заситени масти и многу калории - наместо тоа, јадете лосос, тој е богат со омега-3 масни киселини. Најважната карактеристика на омега-3 масните киселини е тоа што тие значително го намалуваат ризикот од срцева и ненадејна смрт и мозочен удар .6
9. Наместо да пишувате пораки, лично пренесете ги
Наместо да пишувате обични или електронски пораки до вашите колеги или соседи, посетете ги. Да, посетете ги. Малку вежбање е добро за здравјето на срцето, бидејќи го намалува вашиот крвен притисок. И покрај тоа што се препорачуваат 30-минутни умерени активности, 5 дена во неделата, дури и неколку минутно пешачење е подобро од никаква физичка активност.7
10. Користете маслиново масло наместо масло за готвење
Избегнувањето на заситени масти е клучно за здраво срце. Префрлете се од масло за готвење на маслиново масло, бидејќи тоа содржи „добри“ масти. Експертите велат дека половина супена лажица маслиново масло на ден може да го намали ризикот од срцеви заболувања. Сепак, важно е и со него да бидете умерени, бидејќи една лажица маслиново масло содржи 120 калории.8
+1 дополнителен совет: Земајте лекови за да го одржите срцето здраво
Покрај промената на Вашиот стил на живот и редовното земање лекови може да помогне во спречување на кардиоваскуларни заболувања. Аспирин® Протект 100 е лек кој содржи ацетилсалицилна киселина. 1 таблета на ден го инхибира абнормалното слепување на тромбоцитите, со што се спречува формирање на крвни тромби кои може да ги стеснат или блокираат крвните садови и на тој начин се намалува ризикот од миокарден инфаркт .9
Пред употреба внимателно да се прочита упатството! За индикациите, ризикот од употребата и несаканите дејства на лекот односно медицинското помагало консултирајте се со Вашиот лекар или фармацевт.
Референци:
- (1) Sheridan MJ, Cooper JN, Erario M, Cheifetz CE. Pistachio nut consumption and serum lipid levels. J Am Coll Nutr. 2007;26(2):141-148. doi:10.1080/07315724.2007.10719595. Return to content
- (2) Mellen PB, Walsh TF, Herrington DM. Whole grain intake and cardiovascular disease: a meta-analysis. NutrMetab Cardiovasc Dis. 2008;18(4):283-290. doi:10.1016/j.numecd.2006.12.008. Return to content
- (3) Gunathilake KDPP, Ranaweera KKDS, Rupasinghe HPV. Influence of Boiling, Steaming and Frying of Selected Leafy Vegetables on the In Vitro Anti-inflammation Associated Biological Activities. Plants (Basel). 2018;7(1):22. Published 2018 Mar 16. doi:10.3390/plants7010022. Return to content
- (4) Liu Q, Rossouw JE, Roberts MB, et al. Theoretical Effects of Substituting Butter with Margarine on Risk of Cardiovascular Disease. Epidemiology. 2017;28(1):145-156. doi:10.1097/EDE.0000000000000557. Return to content
- (5) Cook NR, Cutler JA, Obarzanek E, et al. Long term effects of dietary sodium reduction on cardiovascular disease outcomes: observational follow-up of the trials of hypertension prevention (TOHP). BMJ. 2007;334(7599):885-888. doi:10.1136/bmj.39147.604896.55. Return to content
- (6) Wang C, Harris WS, Chung M, et al. n-3 Fatty acids from fish or fish-oil supplements, but not alpha-linolenic acid, benefit cardiovascular disease outcomes in primary- and secondary-prevention studies: a systematic review. Am J Clin Nutr. 2006;84(1):5-17. doi:10.1093/ajcn/84.1.5. Return to content
- (7) World Health Organization. Physical Activity and Adults. Available at: https://www.who.int/dietphysicalactivity/factsheet_adults/en/ [accessed 25 June 2020]. Return to content
- (8) Guasch-Ferré M, Liu G, Li Y, et al. Olive Oil Consumption and Cardiovascular Risk in U.S. Adults. J Am Coll Cardiol. 2020;75(15):1729-1739. doi:10.1016/j.jacc.2020.02.036. Return to content
- (9) Аспирин® Протект 100 mg, гастрорезистентни таблети; Внатрешно упатство за лекот, август 2020 Return to content
поврзани статии:
Аспирин® Протект 100, 100 mg гастрорезистентни таблети Лекот може да се издава и/или продава без рецепт.
Bayer d.o.o. Љубљана- Претставништво Скопје
Антон Попов 1, лок 4 мез., лам 2
ПРЕД УПОТРЕБА ВНИМАТЕЛНО ДА СЕ ПРОЧИТА УПАТСТВОТО! ЗА ИНДИКАЦИИТЕ, РИЗИКОТ ОД УПОТРЕБАТА И НЕСАКАНИТЕ ДЕЈСТВА НА ЛЕКОТ КОНСУЛТИРАЈТЕ СЕ СО ВАШИОТ ЛЕКАР ИЛИ ФАРМАЦЕВТ.
